அழகி , ஒன்பது ரூபாய் நோட்டு, உட்பட பல வெற்றிபடங்களை இயக்கிய தங்கர் பச்சான் அவருகளுடைய புதிய திரைப்படமான “கருமேங்கள் கலைகின்றன” எதிர்வரும் செப்டம்பர் 1 உலகம் முழுவதும் வெளியாகின்றது.
இதில் இயக்குனர்களான பாரதிராஜா கௌதம் வாசுதேவன் ‘நகைச்சுவை தளபதி ” யோகி பாபு அதித் பாலன் உட்பட பலர் நடிக்கிறார்கள்.
இசை ஜீ.வி.பிரகாஷ் குமார்.
இப்படத்தின் ட்ரைலர் இன்று வெளியானது. நீதியரசர் சந்துரு அவர்கள் அதனை வெளியிட்டார்.
இது தொடர்பாக இயக்குநர் தங்கர் பச்சான் விடுத்துள்ள அறிக்கையில்
இன்னும் இரண்டு வாரங்களில் செப்டம்பர் 1 ஆம் தேதி
உலகம் முழுவதும் திரையரங்குகளில் எனது இயக்கத்தில் வெளியாகும் “கருமேகங்கள் கலைகின்றன”
திரைப்படத்தின் திரை முன்னோட்டத்தை மேனாள் நீதியரசர் திரு. சந்துரு அவர்கள் இன்று அவரது இல்லத்தில் வெளியிட்டார்.
அவரைப்போன்ற மக்கள் பணியை மட்டுமே வாழ்க்கையாகக் கொண்ட நீதியரசரின் பாத்திரத்தில் திரு. பாரதிராஜா அவர்கள் நடித்திருப்பதால் அவர் வெளியிடுவதே பொருத்தம் எனக்கருதினோம்.
மனம் உவந்துப்பாராட்டி வெளியிட்டு வாழ்த்திய அண்ணன் திரு. சந்துரு அவர்களுக்கு எங்களின் படக்குழு சார்பில் நன்றியை தெரிவித்துக்கொள்கிறோம். என கூறி இருக்கிறார்
இத்திரைப்படம் வெற்றி பெற எமது வாழ்த்துகள்