உலக நாடுகள் தங்கள் ராணுவக் கட்டமைப்பை வலிமைப்படுத்தும் நடவடிக்கையில் இறங்கியுள்ளன.
இந்தியாவைப் பொறுத்தவரையில் 2020க்குப் பிறகு சீனாவுடன் எல்லைப் பிரச்சினை தீவிரமடைந்துள்ளது.
இதன் காரணமாக இந்தியா தனது ராணுவக் கட்டமைப்பை வலுப்படுத்தி வருகிறது.
அந்த வகையில் இராணுவத்துக்கு இந்தியா செலவிடும் நிதி 2021ம் ஆண்டுடன் ஒப்பிடுகையில் 2022ல் 6 சதவீதம் அதிகரித்துள்ளது.
சீனா, பாகிஸ்தான் உடனான எல்லைப் பிரச்சினை தீவிரமடைந்துள்ள நிலையில் இராணுவத்துக்கான இந்தியாவின் ஒதுக்கீடு அதிகரித்துள்ளதாக சர்வதேச அமைதி ஆராய்ச்சி நிறுவனம் குறிப்பிட்டுள்ளது.
இந்நிறுவனம் வெளியிட்ட பட்டியலின்படி, இராணுவத்துக்கு அதிகம் செலவிடும் நாடுகளின் வரிசையில் அமெரிக்கா முதலிடத்தில் உள்ளது.
சென்ற ஆண்டில் அமெரிக்கா 877 பில்லியன் டொலர் (ரூ.72 இலட்சம்கோடி) இராணுவத்துக்கு செலவிட்டுள்ளது.
2ம் இடத்தில் உள்ள சீனா 292 பில்லியன் டாலரும் (ரூ.24 லட்சம் கோடி) 3ம் இடத்தில் உள்ள ரஷ்யா 86.4 பில்லியன் டொலரும் (ரூ.7.06 இலட்சம் கோடி) இராணுவத்துக்கு செலவிட்டுள்ளன.