ஆப்கானிஸ்தான் அணிக்கும் இலங்கை அணிக்கும் இடையிலான இரண்டாவது ஒரு நாள் கிரிக்கெட் போட்டி சூரியவெவ மஹிந்த ராஜபக்ஷ மைதானத்தில் நடைபெற உள்ளது.
அந்த போட்டியில் இலங்கை அணியில் சில மாற்றங்கள் இருக்கும் என தெரிவிக்கப்படுகிறது.
3 போட்டிகள் கொண்ட இந்த ஒரு நாள் கிரிக்கெட் போட்டியின் முதல் போட்டியில் ஆப்கானிஸ்தான் அணி 6 விக்கெட் வித்தியாசத்தில் வெற்றி பெற்றது.
அதன்படி இந்த தொடரில் ஆப்கானிஸ்தான் அணி 1-0 என முன்னிலை வகிக்கிறது.
காயமடைந்த லஹிரு குமாரவுக்கு பதிலாக துஷ்மந்த சமிர அழைக்கப்பட்டுள்ளதாகவும், துஷான் ஹேமந்தவிற்கு பதிலாக வனிந்து ஹசரங்க விளையாடவுள்ளதாகவும் தெரிவிக்கப்படுகிறது.
போட்டியில் மகிஷ் தீக்ஷாவுக்கும் வாய்ப்பு கிடைக்கும் எனவும் தெரிவிக்கப்படுகிறது.
ஆப்கானிஸ்தான் – இலங்கை அணிகள் மோதும் இரண்டாவது ஒரு நாள் கிரிக்கெட் போட்டி காலை 10க்கு தொடங்க உள்ளது.