ஆசிய கிண்ணம் 2023 ற்கான இரண்டாவது சுப்பர் லீக் சர்வதேச ஒரு நாள் போட்டியில் பங்களாதேஸ் இலங்கை அணிகள் மோதின .
இதில் இலங்கை கிரிக்கெட் அணி 21 ஓட்டங்களால் வெற்றியீட்டியது.
முதலாவது சுப்பர் லீக் போட்டியில் பாகிஸ்தான் அணியிடம் தோல்வியை தழுவிய பங்களாதேஸ் அணி நாணய சுழற்சியில் வெற்றிப்பெற்றதும் இலங்கை அணியை துடுப்பெடுத்தாட அழைத்தது.
இதன்படி முதலில் துடுப்பெடுத்தாடிய இலங்கை அணி ஆரம்ப விக்கெட்டாக திமுத் கருணாரத்னவை 1- 34 ஓட்டங்களுக்கு இழந்தது. பந்து வீச்சாளர்களுக்கு உகந்த ஆடுகளமாக இருந்ததால் இலங்கை வீரர்கள் ஓட்டங்களை எடுக்க சிரமப்பட்டார்கள் .
இரண்டாம் விக்கெட்டிற்காக குசல் மென்டிஸ் பத்தும் நிஸாங்க நிதானமாக ஆடி ஓட்ட எண்ணிக்கையை 2-108 கொண்டு சென்ற போது துரதிஷ்டவசமாக பத்தும் நிஸாங்கவை இழந்தது. அடுத்து ஓட்ட எண்ணிக்கை 3-117 ஐ எட்டும் போது குசல் மென்டிஸ் , 4 -144 சரித்த அஸலங்க , 5-164 தனஞ்ஜெய டி சில்வாவை இழந்தது.
ஆயினும் சதிர சமரவிக்ரம ஒரு புறம் விக்கெட்டுகள் விழுந்தாலும் தனியான ஆட்டமொன்றை ஆடினார். அவர் 72 பந்துகளை எதிர்நோக்கி 2 சிக்ஸர்கள் 8 பவுண்டரிகளுடன் 93 ஓட்டங்களை பெற்றதுடன் ஆட்டநாயகனாக தெரிவானார்.
இலங்கை அணி தனது 50 ஓவர்களில் 9 விக்கெட்டுகளை இழந்து 257 ஓட்டங்களை மட்டுமே பெற்றது.
இந்த ஓட்ட எண்ணிக்கையை இழகுவாக பங்களாதேஸ் எடுக்கும் என எதிர்பார்க்கப்பட்டது. ஆயினும் இலங்கை அணியின் அணித்தலைவர் தசுன் சானக்கவின் பந்த் வீச்சு அருமையாக வேலை செய்தது.
ஆயினும் தௌவித் திறமையாக துடுப்பெடுத்தாடி 82 ஓட்டங்களை பெற்றார்.
ஸ்கோர் விபரம்.
இலங்கை அணி 50 ஓவர்கள் முடிவில் 9 விக்கெட்டுகள் இழப்பிற்கு 257 ஓட்டங்கள் ( சதீர சமரவிக்ரம 93, குசல் மென்டிஸ் 50 பத்தும் நிஸாங்க 40 பந்துவீச்சில் தஸ்கின் அகமட் 62 ஓட்டங்களுக்கு 3 விக்கெட்டுகள் , ஹசான் மௌமூட் 57 ஓட்டங்களுக்கு 3 விக்கெட்டுகள்
பங்களாதேஸ் அணி தனது 48 .1 ஓவர்களில் சகல விக்கெட்டுகளையும் இழந்து 236 பெற்று தோல்வியை தழுவியது. இதில் தௌவீத் 82 ஓட்டங்கள்
பந்து வீச்சில் தசுன் சானக்க தீக்ஸன , பத்திரன தலா மூன்று விக்கெட்டுகள்