மகளிருக்கான T20 போட்டியில், உலகின் சிறந்த துடுப்பாட்ட வீராங்கனைகளின் தரவரிசையில் இலங்கை மகளிர் அணித் தலைவர் சமரி அத்தபத்து முதல் 10 இடங்களுக்குள் தரப்படுத்தப்பட்டுள்ளார்.
தரவரிசையில் அவர் 9 ஆவது இடத்தைப் பிடித்துள்ளார்.
பங்களாதேஷ் அணிக்கெதிரான T20 போட்டியில் சிறப்பான துடுப்பாட்டத்தை வௌிப்படுத்திய சமரி அத்தபத்து, 103 ஓட்டங்களைப் பெற்றார்.
மேலும், பங்களாதேஷ் அணிக்கெதிரான ஒரு நாள் போட்டியிலும் சிறப்பான துடுப்பாட்டத்தை வௌிப்படுத்தியதன் காரணமாக அவர் மகளிருக்கான ஒரு நாள் போட்டியில் சிறந்த துடுப்பாட்ட வீராங்கனைகளின் தரவரிசையில் முதல் 10 இடங்களுக்குள் தொடர்ந்தும் நீடிக்கின்றார்.
இதேவேளை, மகளிருக்கான T20 போட்டியில், உலகின் சிறந்த பந்து வீச்சாளர்களுக்கான தரவரிசையில் சிரேஷ்ட சுழற்பந்து வீச்சாளர் இனோகா ரணவீர 12 ஆவது இடத்திற்கு முன்னேறியுள்ளார்.